A Comisión Europea adoptou o 6 de maio de 2003 unha recomendación sobre a definición de PEME que modifica a de 1996. Pódese considerar PEME aquela empresa que teña menos de 250 traballadores, un volume de negocios inferior a 50 millóns de euros e un balance xeral inferior a 43 millóns de euros.

• Creatividade e innovación
• Capacidade para asumir riscos
• Capacidade para aceptar compromisos e cumprilos
• Adaptación aos cambios
• Organización
• Perseveranza
• Confianza nas propias posibilidades
• Liderado

Existen persoas que pola súa educación posúen as características propias do/a emprendedor/a, mais tamén hai certas habilidades e capacidades que se poden desenvolver a través da formación.

As razóns poden ser moi variadas. Na maioría dos casos:

• Aproveitar unha idea nova e poñela en práctica
• Buscar a independencia laboral (emprendedores que viñeron traballando por conta allea)
• Buscar unha alternativa á situación de desemprego.

Hai moitos factores que poden determinar que unha persoa se incline por un negocio concreto. Con carácter xeral podemos salientar que:

• A idea debe ser oportuna, isto é, xurdir no momento axeitado e manterse en certo período de tempo
• A idea do produto ou servizo debe proporcionar un valor engadido aos potenciais clientes
• O segmento de mercado a que se dirixe debe ter un tamaño mínimo
• É importante a creatividade
• Cómpre crear un equipo ou unha rede de relacións
• A motivación é necesaria